Қарағанды қалалық «Бала қажы» мешітінде «Дінімді үйренемін 2022» атты жазғы сауат ашу курсы аяқталды. Аталмыш дәрісте бір айға жуық сауат ашқан 65 баланы мешіт имамы Махмұд қажы Нұрұлы арнайы мақтау қағаздарымен марапаттап, Өзінің ыстық лебізін білдірді.

 Жазғы сауат ашу курсында балаларға діни мағлұмат берілген еді. Соның ішінде шəкірттер əліпби оқып, дұға жаттап, ислам дінінің негізгі қайнар көздері туралы ұстаздардан ілім алған болатын.

Бір айға жуық білім алған шəкірттерге мақтау қағаздарымен қатар, жайнамаз сыйлыққа беріліп, сүйікті пайғамбарымыз (оған Алланың игілігі мен сәлемі болсын) және саңлақ сахабалардың өмірі  жайлы кітапшалар үлестірілді. Сондай-ақ, тәттілер тарту етілді.