Center Image
IHSAN.KZ
ҚАРАҒАНДЫ ОБЛЫСЫНЫҢ БАС ЕСЕПШІСІ «ҮЗДІК ЕСЕПШІ» ДИПЛОМЫМЕН МАРАПАТТАЛДЫ
ҚАРАҒАНДЫ ОБЛЫСЫНЫҢ БАС ЕСЕПШІСІ «ҮЗДІК ЕСЕПШІ» ДИПЛОМЫМЕН МАРАПАТТАЛДЫ

Шырайлы Шымкент қаласында ҚМДБ-ның Төрағасы, Бас мүфти Наурызбай қажы Тағанұлының бастамасымен 2021-жылды қорытындылауға арналған есепшілер жиыны өтті. Жиында еліміздің барлық облыс өкілдіктерінің бас есепшілерінің  2021- жылда атқарған іс-шаралары талқыланып, баға берілді. Үлкен басқосу барысында жаңа 2022-жылға жоспарлар белгіленіп, көптеген мақсаттар алға қойылды. Сондай-ақ, жиында еліміздің барлық өңірінде елеулі еңбек етіп келе жатқан есепшілердің еңбегі еленіп, алғыс хаттармен және арнайы дипломдармен марапатталды. Жылдық айтулы жиында ҚМДБ-ның Қарағанды облыстық «Әнет баба» мешітінің бас есепшісі Булатова Рымгүл Темірбекқызы «Үздік есепші» номинациясын иеленіп, Бас мүфти Наурызбай қажы Тағанұлының дипломымен марапатталды.  Сондай-ақ, қасиетті Рамазан айында мешіттің қаржылық саласы бойынша жұмыстарын жауапкершілікпен атқарып, нәтижелі қызмет етіп, жоғары көрсеткішке ие болғаны үшін  ІІ дәрежелі дипломмен марапатталды. Арнайы алғыс хатты ҚМДБ-ның Бас есепшісі Лаура Тілеуханқызы табыстап, өзінің шексіз ризашылығы мен алғысын білдірді.

ҚМДБ-ның Қарағанды облысы бойынша баспасөз қызметі

 


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz