Әлихан Бөкейхан атындағы Теміртау орталық мешіті Ораза айт мерекесі қарсаңында бүлдіршіндерге «Рамазан тәттісі» атты сыйлық қорапшаларын таратты.⠀
⠀
Аталмыш игі шара мұсылмандардың ең маңызды мерекелерінің бірі болған Ораза айттың жылы лебін балаларға сезіндіру мақсатында ұйымдастырылып отыр. Мейрам күні тәттілерге қарық болған балауса балдырғандардың көкейлеріне қуаныш орнап, жүздеріне пәк күлкі үйірілді.⠀
⠀
Алла үйіне балаларын ертіп келген ата-аналар да ерекше бастаманы қолға алып отырған мешіт ұжымына алғыстарын айтып, ризашылықтарын білдірді.⠀
⠀
Айта кетсек, Қазақстан мұсылмандары діни басқармасы тарапынан бастау алып отырған аталмыш шара ендігәрі жыл сайын жалғасын тауып отыратын үрдіске айналмақ.