Ораза айт мерекесіне орай Әлихан Бөкейхан атындағы Теміртау орталық мешітінде ұлттық спорт түрлерінен жамағат арасында сайыс өтті. Атап айтсақ, олар: қол күрес, арқан тартыс, кір көтеру және қазақ күресі.⠀
⠀
Жеңімпаздар мешіт тарапынан бағалы сыйлықтарға ие болды. Бесін намазына дейін жалғасқан айтулы шараны жас бүлдіршіндерден бастап еңкейген қартқа дейін қызықтап тамашалады. Осылайша ұлттық спорт түрлері мен салауатты өмір салты жамағат арасында кеңінен насихатталды. ⠀
⠀
Әсіресе, Пайғамбарымыздың (с.ғ.с.) сүннеті болып саналатын күрестің қазақша түрі жұртшылықты ерекше тәнті етті. Барлық сайыс арнайы кәсіби бапкерлер тарапынан жүргізіліп отырды. ⠀
⠀
Алқалы жиын соңында Теміртау қаласының Бас имамы Естай Айтуғанұлы жеңімпаздар үшін арнайы әзірленген су жаңа велосипедтерді иелеріне тарту етіп, жамағатаралық ұлттық спорт сайыстары алдағы уақытта кең тұрғыда жалғасын табатынын жеткізді.