Қарағанды облысына қарасты Балқаш қалалық мешітінің  имамы Төлтаев Ербол Мұқанұлының бастамасымен Ораза айттың  құрметіне «Ізгілік қалсын әр ізде»  атты қайырымдылық  акциясы болып өтті.  Шара барысында 20 отбасына  азық-түлік үлестірілді. Аймақ имамы Ербол қажы   қасиетті Рамазан айында ұстаған оразаларымыз бен дұға –тілектеріміз  қабыл болсын  дей келе  елдің амандығы үшін  дұға тілеп, келе жатқан ораза айт мерекесімен барша мұсылмандарды құттықтап, мешіт атынан берілген  азық-түлік  қоржынын  үлестіріп  берді. Арнай  шақырылған  әр отбасы  өзіне тиесілі несібесін қолына алып, ақ тілектерін айтып, қуанышты көңіл-күймен тарқасып жатты.

 Алла баршамыздан сауаптан жазсын. Әмин!!!