Теміртау қаласының Әлихан Бөкейхан атындағы орталық мешіті мен Жақып Ақбай атындағы қалалық мешітінде 30 күн ораза бойы Құран хатым жасап, жамағатпен тарауық намазын жүргізген Нұрасыл Қасым және Қалмаханов Біржан қариларға құрмет көрсетіліп, 500 мың теңге көлемінде дүкеннен киімдер хадия етілді.⠀
⠀
Осы ретте Теміртау қаласының БУМ сауда орталығында орналасқан «Richman» киімдер дүкені өз тауарларын 30 пайыздық жеңілдікпен ұсынды.⠀
⠀
Ал, игі бастамаға мұрындық болып отырған Теміртау қаласының Бас имамы Естай Айтуғанұлы Түркия елінің Стамбұл қаласында білім алып жатқан екі бірдей қариға жамағат атынан ризашылығын білдіріп, білім алу жолында сәттілік тіледі.