Қасиетті Қадір түнінде «Бала қажы» мешітінде 2000-ға жуық жамағат жиналды. Құран хатым оқылып, арнайы іс-шаралар ұымдастырылған болатын. Мың айдан да қадірлі болған бұл түнде еңкейген қарттан жас балаға дейін Алланың үйінде арнайы келген. Мұндағы нығмет қариялардың немерелерін ерте келіп, дінімізді, Алланы, Қадір түнін баланың санасына жастайынан сіңіруі деп білеміз. Жиналған жамағат тарауих намазынан соң ұстаздардығ бас имамның уағыз-насихатын тыңдады. Жарыса зікір айтып, Құран оқыған жастарды көргенде сүйсініп-ақ қаласың. Ғибадатқа толы бұл түнде Қадір түні екенін білдіретін хадистерде келген көптеген нышандар байқалғандай болды. Бас имам Махмуд қажы Нұрлы, осы орайда Қадір түнінің қасиетімен қоса Алланы тану, дінге құрмет ету секілді тақырыптарды қамтып өтті. Барша жамағатқа арнайы дұға жасалды. Қарилардың үні сайраған мешіт көркем бір нұрға бөленді.
Сәресіде осы жиналған 2000-ға жуық жамағатқа сәресі асы берілді. Жұрт таң намазын оқып тарқасты. 

Құранға түскен шәкірт – біздің мақтаныш
Алланың қалауымен пенденің жүрегі Исламды таниды. Алланың таңдаған құлдарының жүрегі нұрға толып, руһани байып, Алланың кәләмі болған Құран Кәрімді оқу бақыты бұйырады. Сондай таңдаулы құлдары «Бала қажы» мешітінің қабырғасында Құрани Кәрімді үйрену бақытына ие болды. 25 шәкір әліппеден бастап, тәжуд ережелерін де меңгеріп, Құранды еркін оқи алатын дәрежеде білім алды. Мешіт тарапынан барлық шәкіртке Құран Кәрім сыйға берілді. Алла Тағалам бұл жастардың жүрегін иман нұрымен нұрландырып қойсын!

Қадір түнінде сыйға қауышқан жамағат
«Бала қажы» мешіті жылда Қадір түнін арнайы жоспарда өткізіп келеді. Биыл жамағат арасында сұрақ-жауап түрінде арнайы сайыс ұйымдастырылды. Діни тақырыпта құралған көптеген сұрақтар қойылып, білген жамағат жауап беріп кереметтей сый-сыяпатқа ие болды. Ал, сұрақтың жауабын білмеген халық білім нәрімен сусындап қайтты.
Осындай жарыстар жастардың білімге деген құштарлығын арттырады, өрістерін кеңейтеді. «Білімдінің күні жарық» дегендей, әрбір қазақ білімді болсын. Алла зейіндерін ашып қойсын.

Доскей жамағаты Қадір түнін қарсы алды
«Бала қажы» мешітінің бас имамы Нуров Махмуд қажы Нұрұлы Доскей ауылына арнайы ат басын бұрды. Мұндағы мақсат, ауыл тұрғындарын, мешіт жамағатын Қадір түнімен аранайы құттықтау болатын. Жиналған жамағат Алланы ұлықтап, түнді құлшылықпен өткізді. Кішігірім ауылдардың мешіті бүгінде жамағатқа лық толық. Бұл елімізде дініміздің көркейіп жатқандығының көрінісі. Әр үйден бір қари шықса деп дұға етеміз. Әр үйден исламды көркейтетін бір ғалым шықса деп сұраймыз Алладан. Махмуд имам мешітке келген жамағатқа жылы лебізін білдіріп, жамағатпен жабыла дұға жасап, жақсылықта бірге болуды амалымен көрсетті.