Center Image
IHSAN.KZ
«Әдемі әуезді азаншы» атты іріктеу сайысы өтті
«Әдемі әуезді азаншы» атты іріктеу сайысы өтті

Қарағанды облыстық «Әнет баба» мешітінде «Әдемі әуезді азаншы» V республикалық азаншылар жарысына облыс бойынша іріктеу сайысы өтті.

Қасиетті Рамазан айында ұйымдастырылған іріктеу сайысына Қарағанды облысының барлық аудандарынан үміткер қатысты.

Бірінен бірі өткен, азанды жүректерге жеткізе білген үміткерлердің ішінен жүзден жүйрігін анықтау оңай болған жоқ.

Қазылар алқасының шешімен Теміртау қаласының  атынан келген Асхат  Темірханов 3-орын иегері атанса, Жаңаарқа ауданынан келген Орал Есбол  2-орынды қанжығасына байлады. Ал 1-орынды Сатпаев қалалық «Балмағамбет Балқыбайұлы» мешітінің азаншысы  Сағындық Ахмедиянов жеңіп алды.

«Әдемі әуезді азаншы» атанған жеңімпаз Алматыда өтетін республикалық азаншылар додасына жолдама алды.


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz