Қасиетті Рамазан айының әр күні ұйымдастырылып жатқан игі шаралардың бірі Қарағанды облысына қарасты Саран қалалық мешітінде жалғасты.  «Бірлігі жарасқан жамағат» атты рухани кеш барысында  Абай Құнанбаев   атындағы Саран  жоғары гуманитарлық-техникалық колледжінің  студенттеріне  ауызашар берілді. Ауызашар Саран мешітінің асханасында өтті. 
Пайғамбарымыз (Оған Алланың игілігі мен сәлемі болсын): «Кімде-кім, ораза ұстаған бір мұсылманның аузын аштырса (ауызашар берсе), ораза ұстаушының сауабындай сауапқа ие болады. Әрі оразашының ешбір сауабы кемімейді» дейді.
Найб имам Мәулен Әбілхайыр студенттерге насихат айтып, ауызашарға демеушілік еткен мешіт жамағаты мен колледж ұстаздарына алғысын айтты.