Қарағанды облысы, Әлихан Бөкейхан ауданы, «Төлеутай ата» мешіті дін қызметкерлерінің ұйымдастыруымен «Бұл біздің Рамазан» атты шара өтті. Шараға мешіттен білім алып жүрген жас бүлдіршін шәкірттер қатысты. Шара барысында мешіт имамы Мусин Сайлау Жұмағұлұлы балаларды қасиетті Рамазан айымен құттықтап, Рамазан айының қадір- қасиеті, дініміздегі білім алудың  маңыздылығы жайында насихат айтты. Шара соңында шәкірттерге «Төлеутай ата» мешіті атынан Рамазан айының сыйлық қоржындары табысталды.