Қарағанды облысына қарасты Абай ауданының әкімі Бауыржан Қоңырбайұлы Асанов аудан жамағатына арнап ауызашар дастарханын жайды. Рухани отырысқа Абай ауданының имамы Аманбол қажы Рымқұлұлы және ауданға қарасты ауыл имамдары мен жамағаты қатысты. Шара барысында аудан әкімі барша мұсылман жамағатын Рамазан айымен құттықтады.

Рухани кешке Абай ауданы мәслихаты Д.Сакенов, әкім орынбасарлары мен мекеме басшылары, Абай қаласының әкімі М.Аринов, ауыл әкімдері  қатысты. Рамазан айының құрметіне орай жайылған ауызашар дастарханының басында аудан имамы Аманбол қажы Рымқұлұлы жиналған жамағатқа уағыз-насихат айтты.  Құран оқылып, аудан ақсақалдары бас қосқан отырысқа ауыл  ақсақалдары да құрметті қонақ болып,  батасын берді. Жылқы сойылып, арнайы берекелі айдың құрметіне құрбан шалынды.