ҚМДБ-ның Қарағанды облыстық «Әнет баба» мешітінде «Уақып –сарқылмайтын сауап» атты көшпелі насихат жұмысы бойынша кезекті семинар болып өтті. Жиынды ҚМДБ-ның «Уақып» корпоративтік қорының президенті Ардақ Оразбай және «Қамқор-Шарапат» салттық қызмет көрсету орталығының директоры Мейрамбек Қабылбекұлы  өткізді.

Шараға Қарағанды облысының бас имамы Өмірзақ қажы Қазкенұлы бастаған қала, аудан имам, молдалары қатысты.

Жиын  «Уақып» қорының жұмысын халық арасында кеңінен насихаттап, жұмысын жандандыруға бағытталған.

Жиын барысында «Уақып» корпоративтік қорының президенті Ардақ Оразбай  жиналған дін қызметкерлеріне бөлімнің негізгі мақсатын түсіндіріп, саланың қызметін одан әрі арттыру үшін атқарылар жобалар мен маңызды мәселелерге тоқталды. Сондай-ақ, тың жоспарлар алға қойылды.

Сонымен қатар, «Қамқор-Шарапат» салттық қызмет көрсету орталығының директоры Мейрамбек Қабылбекұлы «Зират және зиярат», жаназа, жерлеу, ас беру мәселесіндегі дәстүр, әдеттерді бір ізділікке түсіру мақсатында түсіндірме жұмыстарын жүргізіп, орталықтың маңыздылығын түсіндіріп өтті. Сондай-ақ, салттық қызмет көрсету орталығының дәстүрлі шарттарын халық арасына кеңінен насихаттау жолындағы жоспарларды атап өтті.