Center Image
IHSAN.KZ
САРАНДА КІШІ ФУТБОЛДАН ЖАРЫС ӨТТІ
САРАНДА КІШІ ФУТБОЛДАН ЖАРЫС ӨТТІ

Қарағанды облысы Саран қалалық мешіті Саран қаласының спорт бөлімімен бірлесе отырып "Қасиетті Рамазан" айының құрметіне орай жастар арасында кіші футбол турнирін өткізді. 
Жарыс алдында жиналған 8 топқа Саран қаласының имамы Саликов Мұхаммедқали қажы жастарға насихат айтып, қасиетті Рамазан айының келуімен құттықтады. Сондай-ақ Саран қаласының Спорт бөлімінің басшысы Ринат Маратұлы мен Саран қаласының БЖМОРМ  оқу жұмысы жөніндегі басшының орынбасары Қуат Талғат Қуатұлы сөз сөйлеп, ізгі лебіздерін білдірді.

Ойынға Ақтас кентінен 1 команда, Саран қаласынан 7 команда қатысты. Жүлделі 3 орынды "Саран мешіті" иеленді. 2 орынды "Көк бөрі" командасы қоржынға салса, бас жүлде 1 орын " Намыс" командасына бұйырды.
Жарыс жеңімпаздарына арнайы сыйлықтар табысталды .

Бас имам Мұхаммедқали қажы Саран қаласының спорт бөлімі басшылығына алғысын білдіріп,Қасиетті Құран кітабын сыйға берді. Сонымен қатар Спорт бөлімінің ұжымы да Бас имамға спорт жейдесін тарту етті.
Алдағы уақытта да жастарды имандылыққа , ізгілікке тәрбиелеу мақсатында осындай спорттық игі шараларды ұйымдастыру басты мақтсамыз есептейміз


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz