ҚМДБ-ның Жезқазған қалалық «Ахмет ишан Оразайұлы» мешіті және «JYLY_JUREK_GROUP» қайырымдылық қорының ұйымдастыруымен кезекті қайырымдылық шарасы болып өтті.

Игі шара барысында көмекке мұқтаж, көпбалалы және жалғыз басты аналарға азық-түлік таратылды. Қайырымдылық барысында алпыс отбасы қамтылды.

Қасиетті Рамазан айы мен наурыз мейрамының қарсаңында іске асқан шара барысында көмек көрсетілген отбасылар осындай игі іске мұрындық болып, ат салысқан барша мейірімді жандарға алғыстарын айтып, ризашылықтарын білдірді.