ҚМДБ-ның Қарағанды облысы  «Төлеутай ата» мешітінің ұйымдастыруымен наурыз мейрамы қарсаңында  Әлихан Бөкейхан ауданындағы «Таңшолпан»  балалар үйі зиярат етілді. 

«Жерде жетім жыласа, көкте періште күңіренеді» дейді қазақ халқы. «Төлеутай ата» мешітінің имамы Мусин Сайлау Жұмағұлұлы бастаған  мешітінің ұжымы  балалар үйіндегі жеткіншектерге қуаныш сыйлап, сыйлықтар табыс етті. Сондай-ақ,  аталмыш ғимараттың басшыларымен, қызметкерлерімен кездесіп, жеткіншектер тәрбиеленіп жатқан мекемеге өзінің батасын беріп, наурыз мейрамымен құттықтады. 
Пайғамбарымыз Мұхаммед (с.ғ.с.) ұлағатты сүннет қазынасында жетімдердің жайын ойлауға жігерлендіретін хадистер өте көп. Солардың кейбіреуінен мысал келтірейін.  Бір жетім дастарханда елмен бірге отырса, дастарханына пәле жоламайды; Құл мен жетімдерге көмек еткен кісі, Алла жолында соғысқан немесе күндіздерде ораза ұстап, түндерде ғибадат еткен кісі сияқты; Кім Алла ризалығы үшін бір жетімнің басынан сипаса, оның қолы тиген әр тал шашы сайын жақсылық болады.