ҚМДБ-ның Қарағанды облысы бойынша "Әйел қыздар "секторы және "Нұрлы білім" қоғамдық бірлестігінің ұйымдастыруымен "Әйел. Дәстүр. Жанұя" атты сайыс болып өтті. Әйелдер жамағатының арасында өткен сайыстың басты мақсаты жамағат арасындағы бірлікті нығайту, дәстүрлі діндіміз бен ұлттық құндылықтарды  дәріптеу.

Шара барысында жиналған әйелдер жамағаты мен қатысушыларға Қарағанды  қалалық "Әл Машани" мешітінің ұстазы Бақытгүл Айтқалиқызы және "Әнет баба" мешітінің ұстазы Арай Серғалиқызы уағыз-насихат айтты.

Сайысқа Қарағанды қаласы, Абай қаласы және Теміртау қаласының әйел-қыздар жамағаты қатысты.

Сайысқа қатысушы әйел және қыздар жамағаты өздерін жан-жақты сынап, өнерлерін көрсетті. Ата –дәстүр салтымыздан келе жатқан баланы бесікке бөлеу үрдісінен басталған сайыс барысында қатысушылар нан жаю өнерінен де бақ сынасты. Шара соңында барша қатысушылар осындай пайдалы һәм берекелі шараны ұйымдастырған мешіт ұстаздары мен "Нұрлы білім" қоғамдық бірлестігіне алғыстарын жеткізді.