ҚМДБ биылғы 2022-жылды «ЫНТЫМАҚ ПЕН БІРЛІК ДІНІ" жылы деп жариялауына орай Қарағанды обылстық «Әнет баба» мешітінде қала, аудан, ауыл имамдарының қатысуымен семинар өткен болатын. Жиын барысында негізгі мәселелер талқыланған соң, Теміртау қалалық «Жақып Ақбай» мешітінің имамы Елдос Жұмаділда  «Ислам – ынтымақ пен бірлік діні» тақырыбы аясында уағыз-насихат айтты.  

Елдің тыныштығы мен тұрақтылығын сақтау – біздерге, дін өкілдеріне де жүктелген үлкен жауапкершілік. Біздер, мешіт имамдары жұма уағыздарымызда бірлігі жарасқан елге Алланың назары түсетінін айтып, халықты қанаттандырып отырамыз. Өйткені, діннің мақсаты – ізгілік. Ислам діні мемлекетте, қоғамда тыныштық, әділдік болуын көздейді. Адамды соған тәрбиелейді. Еліміздегі барлық мешіттер мен медреселер бейбітшілік пен бірлікті нығайту жолында қызмет етіп келеді. Ұйымшылдыққа ұйытқан ізгі істер алдағы уақытта да нәтижелі болатынына сенеміз.