Теміртау жамағаты Алаш арыстарына арналған қойылымды тамашалады ⠀
⠀
Теміртау қаласының имамдары мен жамағаты Сәкен Сейфуллин атындағы Қарағанды облыстық академиялық қазақ драма театрында өткен арнайы қойылымды тамашалады. Автор Қ. Жүнісов пен қоюшы-режиссер А. Салбановтың басшылығы негізінде «Ұлтқа қызмет» атты деректі-көркем драмасы көрермендер назарына ұсынылды. Жиналған жұртшылық Алаш арыстарының ұлт үшін жасаған жанкештілігі мен елдің рухын көтеруге арналған әсерлі көріністердің куәсі болып қайтты.⠀
⠀
Бұл Алаш тақырыбын кең ауқымда қамтыған тұңғыш қойылым. Ұлттық рухымызды күшейтіп, ұрпақты отансүйгіштікке тәрбиелейтін туынды ерлік пен елдікті баяндайды. Шиеленіскен оқиғалар режиссерлық тың шешімдер арқылы шарықтау шегіне жетеді. Актерлық шеберлік арқылы ұлт-азаттық қозғалысы көсемдерінің азаматтық тұлғасын көрсеткен қойылым көрерменнің ыстық ықыласына бөленді.