Center Image
IHSAN.KZ
ТӘЛІМ МЕН ТАҒЫЛЫМҒА ТОЛЫ КЕЗДЕСУ
ТӘЛІМ МЕН ТАҒЫЛЫМҒА ТОЛЫ КЕЗДЕСУ

Бүгін аудандық ішкі саясат бөлімінің ұйымдастыруымен Қарағанды облысы "Әнет баба" мешітінің наиб имамы Құмар Қоныскерей мен  мешіттің ұстазы Әділмұрат Нұрбол ауданымызға арнайы келіп, жастармен кездесу өткізді. 
Шежірелі өлкеміздегі іргелі білім ордасы агротехникалық колледж қабырғасында өткен келелі кездесуде облыстық мешіт қызметкерлері студент жастарға тәлім - тағылымға толы ата - ананың перзент алдындағы беделі мен білім алуға, ізгілікке, адамгершілікке шақырған уағыз насихаттарымен бөлісті. "Айтушысы білімді болса, тыңдаушысы ұғымды болар" - дегендей ұлтымыздың ұлық перзенттері Абай мен Шәкәрім шығармалары, халық ауыз әдебиеті мен байырғы билердің байыпты сөз, мәйекті мысалдары арқылы айтылған уағыз өте пайдалы болғандығы сағаттан астам уақыт  тапжылмай жастардың ұйып тыңдауынан ақ көрініп тұрды. Емін - еркін әңгімелесу форматында өткен шараға студенттер қауымы белсенді қатысып, көкейлерінде жүрген сауалдарының жауабын алып, арнайы келіп уақыт бөлген  ұстаздарға шынайы ризашылықтарын жеткізді. Алдағы уақытта да дін мен дәстүрді бойына қатар сіңіріп, қазақы мақал - мәтелдер мен ғибратты сөздерді уағыз насихаттарына арқау еткен дін мамандарының мұндай кездесулері оқу ордаларында өтуі - жастардың имандылыққа, жақсылыққа ұмтылуы мен зиянды әдеттерден аулақ болуға даңғыл жол салары сөзсіз.


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz