ҚМДБ-ның Қарағанды облысына қарасты Әлихан Бөкейхан ауданы  «Төлеутай ата» мешітінің  имамы Мусин Сайлау Жұмағұлұлының тапсырмасымен, мешіт ұстазы Ләззат Дүйсеханқызының ұйымдастыруымен әйел-қыздар жамағатына арналған рухани кеш болып өтті. «Орамал асыл тәжім» атты шарада әйелдер жамағатына уағыз, тәрбие танымдық насихат айтылды.
Кеш барысында викториналық, сұрақ-жауап сайысы өткізіліп, шара қатысушыларына пайдалы ақпараттар берілді. Атап айтқанда:
«Исламдағы 100 сұрақ», «Сүннет амал», «Асыл аналарымыз», «Суреттен сүрені тап» атты сайыстар өтіп, қатысушыларға ынталандыру сыйлықтары берілді.
Сондай-ақ, дін мен дәстүр сабақтастығы аясында өткен берекелі шарада  дастархан жайылды.
Рухани кешк қонақтары осындай шараны ұйымдастыруға мұрындық болған мешіт имамы мен ұстазына алғыстарын айтып, ризашылықтарын білдірді.