ҚМДБ-ның Қарағанды облысына қарасты Жезқазған қаласы «Ахмет Ишан Оразайұлы» мешіті,  «Әйел-қызда»р секторының ұйымдастыруымен халықаралық орамал күніне арналған «Асыл тәжім – орамал» атты рухани кеш өтті.

       Кештің қонақтары тек Жезқазған қаласынан ғана емес, Ұлытау ауданы, Кеңгір кенті, Сатпаев қаласынан да келді. Рухани кеш Қасиетті Құран аяттарының оқуымен ашылды. Хиджаб туралы әсерлі монолог оқылып, Алланың көркем 99 есімі айтылды.

      Сонымен қатар мұсылмандық сән үлгісін көрсетіп, дефеле жасалды. Мұсылман қыздарға арналған жабық үлгідегі көйлектер көрсетілді. Оның ішінде: ұлттық қазақтың киімі, күнделікті киетін көйлектер, офистық, апаларға арналған киім үлгісі,  спорттық, кешкі сәнді көйлектер, ұзату мен тойға арналған көйлектертер көрсетілді. Орамал тағу үлгілері көрсетіліп, уағыз-насихат жүргізілді.

         Кеш соңында келген қонақтар өздерімен бірге хадия әкеліп, жеребе арқылы бір-біріне табысталды. Аталмыш іс-шарадан кейін  келген қонақтарға арнайы дастархан жайылып, діни викториналық  сұрақтар қойылып, белсенді қатысқан кісілерге сыйлықтар таратылды.