Елордада Қазақстан мұсылмандары діни басқармасының Орталық аппаратында өткен Төралқа мәжілісінде Қарағанды облысы «Діни оңалту» бағыты бойынша 2021-жылы үздік деп танылып, Бас мүфти Наурызбай қажы Тағанұлы хазреттің  арнайы алғыс хатымен марапатталы. Сонымен қатар, Қарағанды облысының бас имамы Өмірзақ қажы Қазкенұлы белсенді әрі үздік қызметі үшін марапатталды.

«Сіздің асыл дініміздің өсіп-өркендеуіне, тәуелсіз еліміздің 30 жылдық мерейлі белесінде жеткен әрбір жетістігіне қосқан үлесіңіз мол. Рухани құндылықтарымызды насихаттау жолындағы белсенді қызметіңіз бен ыждаһатты еңбегіңіз үшін Сізге айрықша алғысымды білдіремін. Алла разы болсын! Отбасыңызға амандық, деніңізге саулық, ізгі ісіңізге береке тілеймін!
Алла Тағала дін саласында ықыласпен атқарған әрбір ісіңізге мол сауаптан жазғай. Жаратушы Жаббар Иеміз Тәуелсіздігімізді баянды етіп, халқымызға бірлік пен береке нәсіп еткей. Әмин!» делінген Бас мүфтидің алғыс хатында.
Төралқа мәжілісінде ҚМДБ Төрағасы Наурызбай қажы Тағанұлы бір жыл бойы "Діни оңалту" бағыты бойынша белсенді қызмет атқарып, жақсы жұмыс нәтижесін көрсеткен барша дін қызметкерлеріне алғысын жеткізді.