Қарағанды облыстық «Әнет Баба» мешітінің наиб имамы Құмар Қоныскерей бақылау – басқару бағыты бойынша Абай қалалық мешітіне ат басын бұрды.  Қызметтік сапар барысында  аудан имамы Аманбол қажы Рымқұлұлы  мешітте атқарылған ауқымды жұмыстармен таныстырды. Көптен шешімін таппай жүрген мәселенің бірі, мешіттің жылу жүйесін жөндеуден өткізіліп, заманауи құрылғы орнатылды. жаңа құрылғы орнатылғалы бері мешіт жылу жүйесіне айына 80 мың теңге қаражат төлеп отыр. Айта кетейік, бұған дейін аталмыш мешіт айына 300 мыңға жуық қаражат төлеп келген болатын. Осындай сауапты һәм қайырымды істі жүзеге асырып, демеушілік көмек көрсеткен жанға Алла екі дүние бақытын нәсіп етсін! Қызметтік сапармен келген облыс наиб имамы мешіттің тыныс-тіршілігімен танысқаннан кейін, арнайы жиын өткізіп, аймақтың діни ахуалынан хабар алды. Аудан имамының алдағы қызметіне береке тілеп, ризашлығын білдірді.