Қазақстан мұсылмандары діни басқармасының 30 жылдығына орай, еліміздің түкпір-түкпірінде орналасқан мешіттер күрделі жөндеу жұмыстарынан өтіп, жамағат үшін есіктерін қайта ашуда.

Аталмыш іс-шаралары легі аясында, Қарағанды облысына қарасты Саран қалалық мешітінде де бірқатар құрылыс жұмыстары жүргізілді. 

Ғибадат үйінің күмбездерінің ескіруіне байланысты, жалпы құрылыс жұмыстарының аясында мешіттің үш күмбезі әсемделіп жаңадан жасақталды. Атқарылған жұмыстардың барлығы мешіт қаражаты және қайырымды жандардың ерікті көмек көрсетуі нәтижесінде жүзеге асырылды. Игі іс мешіт имамы Саликов Мұхаммедқали қажы Сапарғалиұлының бастамасымен іске асты. 

Осынау құрылыс және жөндеу жұмыстарына атсалысып, барынша демеушілік жасап жүрген азаматтарға мешіт тарапынан алғысымызды білдіреміз. Алла баршаңызға разы болғай!