Қарағанды облысы, Бұқар жырау ауданы, даңқты жазушы, қарымды қаламгер  Ғабиден Мұстафин атамыздың есімі берілген кентте өркениет пен ағартушылықтың темірқазығы саналатын тағы бір мешіт есігін жамағатқа айқара ашты. Қасиетті жұма күні жаңа мешіттің құрылысы аяқталып, әсем мешіт халық игілігіне берілді. Мешіттің ашылу салтанатына ҚМДБ-ның Қарағанды облыстық «Әнет баба» мешітінің наиб имамы Асылхан Нұртайұлы аймақтың зиялы қауымы мен қала және аудан имамдары қатысты. . Ынтымақ пен бірліктің қайнар бұлағы болған имандылық үйіне шаңның тозаңындай болса да мұрындық болған барша жанға Алла разы болсын! Мешіт жамағатқа толы болғай!