Күллі мұсылман қауымы адамзаттың абзалы болған, екі дүниенің сардары Пайғамбарымыз Мұхаммедтің (с.ғ.с.) туған айы – Мәуліт мерекесін тәлім мен тәрбиеге толы рухани басқосуларда атап өтуде.
Осыған орай, қазан айының 19-20 күндері Шет ауданы «Жанқұтты би» мешітінің ұстазы Маханбетчин Қарубай Берікұлы Мұхаммед Пайғамбарымыз (с.ғ.с) туған айына арналып аудандық агротехникалық колледж студенттерімен және Ж.Ақылбаев атындағы орта мектеп оқушыларымен кездесу жүргізді.
Аталған іс-шарада асыл дініміз бен Пайғамбармыздың (с.ғ.с) өнегелі өмірі жайлы айтылып, адамдар арасындағы рақым мен мейірімнің, имандылықтың, бауырмалдықтың арта түсуіне сеп болып Мәуліт айын ұлықтап, оның мән-маңызын жас ұрпаққа жеткізу жолында насихат айтылды.