«Рухани келісім күні» Жайрем кентінде ерекше ата өтілді. Айтулы мереке қарсаңында   қайырымдылық шарасын жүзеге асыруды ниет еткен Жәйрем кенті мешіті игі һәм сауапты шараны ұйымдастырды. Нақтырақ айтқанда, аймақ мешіті мен жастарының ат салысуымен жалғыз басты үш қарияның үйіне қысқы отын түсірілді. Игі іс мұнымен тоқтап қалмай, көп балалы, жалғыз басты ананың шаңырағына қуаныш сыйлап, азық-түлік жеткізілді. Берекелі шараға арнайы қатысқан аймақ имамы Ақмағамбет Мурсали жақында ғана баспаналы болған көп балалы ананың шаңырағына шашу шашып, өзінің құттықтауы мен ыстық лебізін білдірді.