Халықаралық Рухани келісім күні —  Қазақстандағы әлеуметтік маңызды күндердің бірі. Ұлтымыз бен діни сенімге қарамастан барлығымызды біріктіретін осы күн — қоғамдағы тұрақтылық пен келісім күні. Осы халықтардың адамгершілік пен рухани бірлігі - елдің одан әрі гүлденуі үшін басты негіз болып табылады.

Осы орайда, Қарағанды Мемлекеттік университетінде діни конфессия өкілдерімен және студенттердің қатысуымен  «Этносаралық келісім - ел тұрақтылығының кепілі» атты кездесу өтті. Келелі кездесуде ҚМДБ-ның Қарағанды облыстық «Әнет баба» мешітінің наиб имамы Мұсабеков Нұржігіт Оразалыұлы «Ислам және рухани келісім» тақырыбында баяндама жасады. Айтулы күннің құрметіне орай ұймдастырылған шараға аймағымыздың өзге де дін өкілдері, шіркеу қызметкерлері қатысты. Студенттердің тарапынан туындаған сұрақтарға жауап беріліп, уағыз-насихат айтылды.