ҚМДБ Қарағанды облысы «Жастар ісі» секторының ұйымдастыруымен  Саран қалалық мешітінде «Жас келсе іске» атты семинар тренинг өтті. Шараға мешіт имамы Саликов Мұхаммедқали қажы Сапарғалиұлы, мешіт имамдары мен ұстаздары қатысты.  Семинар тренигтің басты қонағы Саран қаласының жас кәсіпкері Санжар Қаршығаұлы болды.  Семинарға  «Абай Құнанбаев» атындағы Саран гуманитарлы-техникалық колледжінің студенттері және мешіт шәкірттері қатысты. Шара барысында Имам Мұхаммедқали қажы жастарға, студенттерге насихат айтып, батасын берді. Сондай-ақ, жас кәсіпкер Санжар Қаршығаұлы  өзінің жетістіктерімен бөлісіп, жас буын өкілдеріне ақыл-кеңесін айтты. Студенттер көкейлерінде жүрген сұрақтарын қойып, мардымды жауаптарын алды. Кеш соңында студенттерге мешіт атынан сыйлықтар табысталды.