Құрбан айт мерекесі – Алла разылығына жетелейтін ізгі амалдар мен мол сауаптар жасау науқаны. Бұл күндері көптеген игі шаралар атқарылып, адамдар бір-бірін зияраттап, айтпен құттықтайды. Өзара ренжіскендер татуласып, көңілдегі кірбіңдер кетеді. Сөйтіп елдің ынтымағы артып, құт-береке орнайды. Құрбан айттың екінші күні Қарағанды облыстық «Әнет баба» мешіті әлеуметтік аз қамтылған 500 отбасыға ет үлестірді. Сондай-ақ, әртүрлі қайырымдылық орындары мен мекемелерге де құрбандық етімен қамтылды. Жалпы таратылған еттің салмағы 2 225 кг құрады.