Қарағанды облысына  қарасты Шет ауданы Жұмыскер ауыл мешітіне ҚМДБ-ның Төрағасы, бас мүфти Наурызбай қажы Тағанұлының бұйрығымен «Нұр Астана» медресесінің биылғы түлегі Амангелді Ерасыл Жандосұлы ұстаз болып тағайындалды. Аймақ жұртшылығына қызметке жаңадан тағайындалған дін қызметкерін  Шет ауданы «Жанқұтты би» мешітінің имамы Маханбетчин Берік Алпысбайулы таныстырып, бас муфтидің бұйрығын оқып берді.

Сонымен қатар, ауданнан келген имам ауыл  молдасы Жумабаев Ержанның мешітте атқарып жатқан жұмыстарына оң баға берді. Мешіттің неке бөлмесі мен шәкірттер дәріс алатын сыныбына және дәретханаға жөндеу жұмыстары  жүргізілген. Ауыл азаматтарының көмегімен 450000 мың қаражат жиналып, мешітке керек жарақтар алынып, дәретханаға арнайы  қол кептіретін титан қойылып, жамағатқа жағдай жасалған.

Айта кетейік, қызметке жаңадан тағайындалған  Ерасыл Жандосұлы

Қарағанды облысы Шет ауданы, Жұмыскер ауылында туып өскен .  2014-жылы Абай атындағы орта мектепті тәмәмдап, 2018 – жыл КПТК колледжін бітірген соң,  «Нұр Астана» медресе -колледжіне оқуға түсіп 2021 ші жылы аяқтаған.