Center Image
IHSAN.KZ
АҚТОҒАЙ АУДАНДЫҚ МЕШІТІ: ЖАЗҒЫ САУАТ АШУ КУРСЫ БАСТАЛДЫ
АҚТОҒАЙ АУДАНДЫҚ МЕШІТІ:  ЖАЗҒЫ САУАТ АШУ КУРСЫ БАСТАЛДЫ

Қарағанды облысына қарасты Ақтоғай аудандық  мешіті  «Жазғы сауат ашу» курсын бастады.  1-ші сынып пен 11-ші сынып аралығындағы мектеп оқушылары діни сауатын  жетілдіріп, жазғы демалыстарын пайдалы өткізетін болады. Мешіт ұстаздары  балаларға «Құран әліппесі» мен «Имандылық әліппесі», «Әдеп» және «Дұға» сабақтары  бойынша дәріс беруде. Жазғы сауат ашу курсы бүлдіршіндердің діни білім алып қана қоймай, тәрбие мен әдептілікті бойына сіңіріп шығуына септігін тигізбек.

Мешіт имамы Асыл Рысбайұлының   бастамасымен бір айға  созылатын жазғы сауат ашу курсы аясында оқушыларға арнайы көңіл сергіту мақсатында хайуанаттар бағына саяхат ұйымдастыру да жоспарланып отыр. 

Осы орайда Ақтоғай аудандық мешіті мектеп жасындағы ұл-қыздарды жазғы сауат ашу дәрістеріне шақырады. "Бір Аллаға сиынып, кел, балалар оқылық!",-деп Ыбырай атамыз айтқандай, асыл дініміздің кәусар біліміне сусындауға шақырамыз!
 


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz