Қарағанды облысына қарасты Саран  ауданда жыл сайын өтетін зират маңындағы тазалық жұмыстары биыл да жалғасын тапты. Сауапты іске жергілікті жамағат ат салысып, қаланың мұылмандар зиратын күл-қоқыстан тазартты.

Мұсылман әдебінің негізін құрайтын тазалық мәселесіне Пайғамбарымыз Мұхаммед (с.а.у) хадистерінде айрықша мән берген. Соның ішінде, зират басын қоқыстан тазарту бір жағынан өткенімізді құрметтеу болса, екінші жағынан өскелең ұрпақты адамгершілікке, имандылық жолына тәрбиелейтін маңызды амал екендігі даусыз.

Жиналған көпшілік ата-баба, ағайын-туыстары жерленген зираттардың маңайын тазалап,олардың рухына Құран бағыштап, дұға жасады.

ҚМДБ-ның Қарағанды облысы бойынша баспасөз  қызметі