Қарағанды қаласының мүгедектер қоғамдық бірлестігі мен Қарағанды қалалық «Балақажы» мешітінің біріге ұйымдастыруымен мешіт ауласына көгалдандыру жұмысы жүргізіліп, көшеттер отырғызылды.

Шараға аталмыш бірлестіктің мүшелері мен  мешіт жамағыты және қызметкерлері  ат салысты. Алла елшісі де (саллаллаһу аләйһи уә сәлләм): «Игі һәм сауапты іс жасауға асығыңдар» (Муслим, иман 186) деп үмбетін ізгілікке шақырды.Жақсылық пен қайырымдылық тек дүние мүлік арқылы емес, қажет кезде қолмен, қажет кезде тілмен жасалады. Жасалатын жақсылықы атаулының бәрі садақаға жатады. Пайғамбарымыз (с.ғ.с.) «Кез келген жақсы іс – садақа» деген. Мешіт имамы берекелі істі жүзеге асыруға ат салысқан барша жомарт жандарға алғысын білдірді.