Имам Табараниден жеткен хадисте: «Садақа ретінде берілген бір үзім нан Алла Тағаланың алдында Ухуд тауындай үлкейеді» - деп айтылғандай  садақа, қайырымдылық мәселесі дінімізде ойып тұрып орын алады. 
Қасиетті Қадір түні қарсаңында Қарағанды облысына қарасты, Қарқаралы ауданы ауыл мешіттерінің  ұйымдастыруымен Бүркітті ауылы, Қарағайлы кенті, Нүркен ауылы  және бөлімшелерге азық-түлік толы «Рамазан қоржыны» үлестірілді.

Рамазан айының құрметіне жасалған бұл іс-шарада көмекке мұқтаж, әлеуметтік аз қамтылған отбасылар қамтылды. Қарқаралы ауданының имамы Құбылайханов Митертбек  қайырымдылыққа ат салысқан барша жомарт жандарға алғысы мен ризашылығын білдірді.