Кімде-кім Рамазан айында кедей-кепшік, жетім-жесірге қол ұшын созып, көмек көрсетсе, Алланың мол сауабына кенелері сөзсіз. Бұл туралы Қасиетті Құрандағы Ниса сүресінің 127-ші аятында «Қайырдан не істесеңдер, Алла оны күдіксіз біледі» делінген. Жылына бір рет келетін, сауаптары еселеніп, дұғалар қабыл болатын Қадір түнінің қарсаңында ҚМДБ-ның Қарағанды облысы бойынша «Зекет» және қайырымдылық қоры, «Жастар ісі» секторы және «Асар» қайырымдылық бірлестігінің ұйымдастыруымен  «Рамазан қоржыны» қайырымдылық акциясы жүзеге асты. Қайырымдылық шара барысында көмекке мұқтаж, қолдауға зәру 150 отбасына азық-түлік үлестірілді.