Қарағанды облысы Қазақстан халқы Ассамблеясы жанындағы Аналар кеңесінің ұйымдастыруымен ҚарМТУ студенттеріне «Ораза әдебі» тақырыбында кездесу өтті. Кездесуді Қарағанды қалалық «Әл Машани» мешітінің ұстазы Бақытгүл Айтқалиқызы жүргізіп, жастарға ораза тұтудың тәртібін, Рамазан айының әр күнін тиімді өткізу жолдарын түсіндірді. Сондай-ақ, қазіргі қоғамда жастар арасында белең алып отырған жат-ағым мәселесін де тілге тиек етіп, оның алдын-алу шараларын талқылады. Жат діни ағымдарды дәстүрлі діннен айыра білу мен діни сауаттылықты  арттыру қажет екендігін жеткізді.  Сонымен қатар, жастардың тарапынан туындаған бірнеше сұрақтарға жауап берілді.