Құран Кәрімде 200 жерде Алла жолында садақа беру, мал сарп ету жайында баяндалады. Яғни Алла берген нығметті Алла жолында жұмсау сауапты амал екені айтылады. Шексіз нығмет Иесі болған Алла мақлұқаттың табиғатында өзгеге жәрдем ету, барын бөліп беру сезімін жаратқан. Қасиетті Рамазан айының соңғы он күндігі басталысымен Қарағанды облысына қарасты Сәтпаев қалалық «Балмағанбет Балқыбайұлы» мешітінеде еріктілердің ат салысуымен 150 адамға қасиетті айдың құрметіне құрма мен су және де "намаз оқып үйренейік", "мұсылман қорғаны" кітапшалары сыйға таратылды.