Қарағанды облысына қарасты, Шет ауданы «Ж.Ақылбаев» атындағы эксперименталдық мектеп гимназиясының 9-сынып оқушыларымен кездесу өтті. Келелі кездесуге аудандық «Жанқұтты би» мешітінің  имамы  Маханбетчин Берік Алпысбайулы қатысып, оқушыларға  «Жат ағымның алдын алу» тақырыбында уағыз-насихат айтып, түсіндірме жұмыстарын жүргізді. Қоғамда үлкен мәселеге айналған отырған жат ағымнан сақтану үшін діни ілім мен білімді, ақпаратты тек мешіттер мен дін қызметкерлерінен, арнайы мамандар мен ұстаздардан алу керектігі түсіндірілді. Сонымен қатар «Ата-ананың қадірі мен оларға деген құрмет» тақырыбы қозғалды. Ұстаздар мен оқушылардың тарапынан туындаған сұрақтарға жауап берілді. Қазіргі жас жеткіншекетермен пайдалы сұхбат өткізген аудан имамына мектеп ұстаздары мен шәкірттері тарапынан алғыс айтылды.