Center Image
IHSAN.KZ
«Қазыбек би» мешітінде Алла елшісіне (с.а.с) 1 824 620 мәрте салауат айтылды
«Қазыбек би» мешітінде Алла елшісіне (с.а.с) 1 824 620 мәрте салауат айтылды

Сағид ибн әл-Мусаибтен жеткен хадисте Омар (р.а) былай дейді: «Маған мынадай хабар жетті: «Жасаған дұғалар жер мен аспанның арасында қалады. Ол дұғалар Пайғамбарға салауат айтумен ғана көтеріледі»_ деген. Міне, әрбір дұға жасағанымызда соңында Пайғамбарға (оған Алланың салауаты мен сәлемі болсын) салауат айтуымыздың мәні осында.

«Әйел қыздар секторының» бастамасымен, Қасиетті Рамазан айында Қарағанды  қалалық «Қазыбек би» мешітінің ұстазы Тапина Карина Қайратқызының ұйымдастыруымен  Алланың есімі ұлықталып, екі дүние сардары болған Пайғамбарымызға  (оған Алланың салауаты мен сәлемі болсын) салауаттар айтудан жарыс өспірімдер арасында кішігірім сайыс болып өтті. Берекелі сайыстың нәтижесінде ең көп салауат айтқан Амнат Салсанова 423 490 салауат айтып бас жүлдені иеленді. Ал, кезекті екінші орын Алла елшісіне (с.а.с) 341454 мәрте салуат жолдаған Ясина Мусаеваға бұйырса, дәл осындай екінші орын 341416 мәрте салауат айтқан Жансая Тұрдымаханбетке бұйырды. Жүлделі үшінші орын 216351 мәрте салауат жолдаған  Саида Салсанованың қанжығасына тиесілі болды. Айтылған салауаттың жалпы саны 1 824 602. Шара барысында шәкірттерге уағыз-насихат айтылды. Берекелі айда салауат айтуға белсене атсалысқаны үшін қатысушыларға ішіне сыйлық толы қорапшалар табысталды.

 Алланың құлы әрі сүйікті елшісі болған, есімі ғасырдан ғасырға жеткен Пайғамбарымыздың (Алланың оған игілігі мен сәлемі болсын) өнегелі өмірі өскелең ұрпаққа үлгі, әрбір мұсылманға адастырмас сара жол болмақ.


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz