Пайғамбарымыз (с.ғ.с.): «Аузы берік жанды ауызашарға шақырып тамақ берген кісі – ораза ұстаған адамның алатынындай сауап алады. Аузы берік адамның сауабынан да еш нәрсе кемімейді», деген. Алаштың асыл тұлғаларымен қатар аталатын ұлдарының бірі – Жұмабек Ахметұлы Тәшеновтың есімімен аталатын  Қарағанды облысы, Абай ауданына  қарасты Топар кенті мешітіне жамағатқа ауызашар дастарханы жайылды. Қаспетті Рамазан айында жүзеге асқан берекелі шараға  ҚМДБ-ның Қарағанды облыстық «Әнет баба» мешітінің наиб имамы Құмар Қоныскерей және Абай ауданының имамы Аманбол қажы Рымқұлұлы қатысты. Шара барысында жамағат қасиетті айдың құрметіне арнайы жайылған ауызашар дастарханында бас қосып,  әсерлі уағыз-насихат тыңдады. Келелі отырыста жамағаттың тарапынан туындаған бірнеше сұрақтарға жауап берілді. Осындай жауапкершілігі мол һәм маңызды істі ұйымдастырып, басы-қасында жүрген Топар кентінің имамы Ерғанат Танатұлы Аманжоловқа жергілікті халықтың атынан үлкен алғыс айтылып, шексіз ризашылықтарын білдірді.