Хазіреті Пайғамбар (с.ғ.с.): «Неке менің сүннетім. Кім одан бас тартатын болса, менен емес!»-деген. Осылайша үмметіне қосылғаны ма? Үйленудің үкімі үйленетін адамдардың жағдайына қарай парыз, уәжіп, сүннет, харам, мәкруһ және мүбах болып бөлінеді. а) Үйленбеген жағдайда зинаға түсуі анық адамның үйленуі парыз. Бірақ бұл адам әйелінің нәпақасын қамтамасыз ететіндей күшке ие болуы керек. ә) Үйленбей, зинаға бару қаупі туған адамның үйленуі уәжіп болады. Бұл адамның да нәпақаны қамтамасыз ете алатындай шамасы болуы керек. б) Жыныстық тұрғыдан орташа жағдайдағы адамның үйлненуі сүннет. в) Үйленіп, әйеліне зұлымдық жасап, қорлайтыны анық адамның үйленуі харам. г) Үйленген жағдайда әйеліне зұлымдық жасау қаупі бар адамның үйленуі мәкруһ. Имам Шафиидің ижтиһадынша орташа жағдайдағы адамның үйленуі мүбах. Мұндай жағдайда мүмин үйлену-үйленбеу турасында ерікті. Шафиидың пікірінше бос уақытында құлшылық жасап, ғылыммен айналасу үйленуден абзал болады. Ал Әбу Ханифа мазхабында үйлену - сүннет. Харамнан сақтану және отбасының ішінде әртүрлі жұмыстардың атқарылуында сауапқа ие болу және ұрпақ жалғастығын қамтамасыз ету үйленудің негізгі мақсаттары болып саналады.

Сайтқа дайындаған: Тотия Енсебаева