Алла Тағала бір пендесін сынау үшін көзін көр етіп жаратады. Оған қоса дәл сол пенденің екі қолы мен екі аяғы болмайды. Бірде оның үйіне кірген біреу сол көзі көр, қол-аяғы жоқ пенденің: «Менi басқалардың басыңа түскен қасiреттен сақтаған әрі басқа жаратқандарынан абзал еткен Алла Тағалаға мақтау болсын»-деп айтқанын естіп қалады. Әлгі келген адам аң-таң: «Мынау көзі көр, аяқ-қалы жоқ адам тағдырынан қалайша разы болуы мүмкін?» Содан соң ол көзі көр адамнан: «Сен Алла Тағалаға не үшін шүкіршілік етіп отырсың?»-деп сұрағанда, әлгі адам: «Хақ Тағала маған Оған мақтау айтатын тіл, Оны зікір ететін жүрек, қиыншылыққа сабыр ететін дене берді. Мен Алла  Тағала сол үшін шүкіршілік етемін»-деген екен.

     Сайтқа дайындаған :М.Шағырбаева