Қаза болып жатқан үйге салмақ салмау мақсатында ағайын-туысы немесе көршілері дастархан жасауы – мұстахап амал болып табылады. Жағфар (р.а.) бақиға аттанғанда, Пайғамбарымыз (с.а.с.) «Жағфардың отбасына тамақ апарыңдыр. Жанұясының басына іс түсті (жаназа істері мен уайым)»-деген.

Қаралы үйдің тұрмысы ауыр немесе әлдекімдерге қайтарып үлгермеген қарызы болса, олардың одан әрі қарызға батып ас беруі дұрыс емес. Амалы барынша ол үйден ас шығартпау керек. Өздері жақындарынан айрылып, қайғырып отырған үй иелеріне ас дайындатып, қонақ күткізіп қойған күнә саналады.