Жұмақ пен тамұқтың мәңгі болуының дәлелі және оған иман келтірудің үкімі:

Жұмақ - Хақ Тағаланың сүйген құлдарын сауапқа бөлейтін мекені. Ал, тамұқ - күнәһарларды жазаға тартатын азаптау аймағы. Ұжымақ пен тамұқ ақидада сәмғият (ахиретке қытысты істерден) тарауына енетін иләһи ұғымдарға жатады. Ахирет күні сауап пен жазалау орнының  болатындығын Исламнан бұрынғы шариғат иелері де мақұлдаған. Осы себептен де жұмақ пен тамұқтың барлығына және ахиертте болатынына иман келтіру - уәжиб. Ал, мойындамағандар кафир болады. Тарихта кейбір фәйләсуфтар жұмақ пен тамұқты теріске шығарады. Себебі, олар ахиретті  һәм жан тәсілім еткеннен кейінгі тылсым әлемді де мойындамаған. Ал, сауап пен жазалау  кеңістігінің  ахиретте  болатынын мойындамаса, сондай-ақ, Хақ үкімдерінің тікелей мағынасын және мұсылман  ғұламаларының бір ауыздан келіскен сеніміне  терістегені үшін - пасық болады (кафир болмайды). Мәселен, кейбір Мұғтазиләһ өкілдері бұл екеуінің  ахиретте және қазір бар екенін мойындамаған.

Жұмақ пен оның нығметтері, әрі оған кіргендер онда мәңгілік болады. Дәл сол секілді тамұқ азабы да мәңгілік болады. Құран мен сүннете  нақты дәлелдер болғандықтан бұған мұсылман ғұламалары бірауыздан келіскен. Осы себептен де, жұмақ пен тамұқтың  мәңгі болатынына иман  келтіру  - уәжиб. Ал, терістесе, дін үшін аса маңызды саналған құндылықты жоққа шығарғаны үшін кафир болады. Бұл жөнінде Хақ  Құранда:

"Иман келтіріп,  ізгі іс істегендерді қуындыр! Расында, олар үшін астарынан өзендер ағатын жәннаттер  бар. Әрқашан оларға оның жемісінен бір ризық берілсе, олар: "Осы бізге бұрын да беріліп еді" дейді.  Тағы оның ұқсасы келтіріледі. Әрі олар үшін онда тап-таза жұбайлар да бар. Олар онда мәңгі қалады"

"Ақида сабақтары" кітабынан алынды.