Көптеген адамдар сөздің байыбына бармастан ант-су ішіп, уәде беріп алады да, соңынан ол сөздерінде тұрмай оп-оңай тайқып шығып жатады. Негізінде Алла атымен ғана ант етіп, уәде беру керек. Себебі басқасы шынайы болмайды. Мысал үшін, «он сегіз мың ғаламның Жаратушысы атымен ант етемін». Сондай-ақ Алла Тағаланың есімдерімен, қасиетті құранмен ант етсе бұл анттар есепке саналады. Ал басқа дүниелермен ант етуге мүлде тыйым салынған. Пайғамбар(с.ғ.с) атымен де ант етуге болмайды. Алла елшісі : «Алла Тағала сендерге ата-аналарыңмен ант етуге тыйым салады. Ант еткен адам Алла атымен ант етсін, немесе үндемесін»-деген. Қарағанды облыстық орталық мешіттің аудармашысы Әмина Омарова