Сұрақ: Имам Әбу-Ханифаның атақты шәкірттері кімдер? Жауап: Имам Әбу-Ханифада ең танымал төрт шәкірті бар. 1. Имам Әбу Юсуф Якуб Куфалық Ибраһимнің ұлы. Ол Харун Ар-Рашиддің билігі кезінде Халифаттың жоғары қазысы болған. Әбу Юсуф өзінің ұстазы бастаған құқықтық жобаларды аяқтаған.Әбу-Ханифаның пайымдарын кең таратудағы оның еңбегі ерен. Ол Муджтахид-Мутлак (Құран мен хадистерді түсінудегі ең жоғары деңгей) дәрежесіне жеткен. 2. Мұхаммад Хасан Аш-Шайбани. Имам Әбу-Ханифада оқып, одан кейін оқуын Әбу Юсуфта, сондай-ақ Имам Мәликте жалғастырған. Әбу Юсуфтан кейін факих (яғни ислам құқығының ғұламалары) төресі саналған. Ол Ислам құқығының негізін салушылардың бірі болған, оның кітаптары Ханифа құқықтық мектебінің нақты тұжырымы болып саналады. 3.Имам Зафар бин Кайса. Ол Ислам құқығының салыстырмалық талдау әдістемесін жетік меңгерген. Бұл бағытта Әбу-Ханифаның ең үздік шәкірттерінің бірі болған. Ол Муджтахид-Мутлак (Құран мен хадистерді түсінудегі ең жоғары деңгей) дәріжесіне жеткен. 4. Хасан бин Зияд. Имам Әбу-Ханифада оқып, кейін оқуын оның екі шәкіртінен жалғастырған. Ол хадистерді таратушы ретінде танымал болған. Бірақ Ислам құқықтануында Әбу-Ханифа деңгейіне жетпеген.