Зина, адам өлтіру қай-қайсын алып қарасақ та Алла тарапынан тыйым салынып, мұны жасаған жан азапқа ұшырайтыны белгілі. Алайда істеген ісіңе өкініп, тәубегеңе келіп, иманға бет бұрсаң, Мейірімді Алла қошеметіне бөлейді. Бірақ, біреудің артынан оның көңіліне келер сөз ату, біреуді-біреуге жамандау, яғни өсек ол жоғарыда аталған күнәлердан да ауыр. Қазақта да айтылған сөз – атылған оқ деп текке айтпаса керек.

Тіс арасынан шыққан сөз саңырауқұлақ сияқты лезде мың құлаққа тиіп үлгереді. Сондықтан да «Муснадуль-Фирдаус» (3:116) кітабінде «Өсек 33 зинадан да сорақы» деген хадис түріндегі сөз келтірілген. Ал Канзуль-Уммал» атты кітапта: «Өсек зинадан да жаман», - деген хадисті келтрілген. Бұл жерде зинаға баруға болады деген кереғар пікір шықпауы керек. Алла барлығын көруші, білуші. Сондықтан-да кез-келген күнә үшін Алла алдында жауап береміз.Рахман әрі Рақымды Алла Тағала тұубе, құлшылығымызды қабыл етті ме, жоқ па. Біз білмейміз. Сондай-ақ, өсек-аяңнан бойымызды аулақ ұстау қажет. Өйткені, ол тек адам денесін ғана емес, жүрегін, жан-дүниесін кірлейді.