1. Алла Тағала бұл күндерге серт берген

Раббымыз: «Ағарған таңға, Құрбан айының алғашқы он кешіне, Әр жұп пен таққа, Өткен түнге серт», -деген болатын. («Фәжр» сүресі, 1- 4 аят )

2. Бұл күндер, Алланы еске алу үшін берілген.

Құран Кәрімде: «Олар өздеріне тән пайдаларын көрсін. Сондай-ақ өздеріне берілген малдардан белгілі күндерде Алланың атын алсын. Одан өздерің де жеңдер және жоқ-жітікке де жегізіңдер», - деген. («Хаж» сүресі, 28 аят).    

Ибн Омар және ибн Аббас (р.а.) сияқты дін ғалымдары аяттағы бекітілген күндер – Зүл-Хиджаның он күні деген.

3. Пайғамбарымыз он күнді осы өмірдегі ең керемет күндер деп куәлік еткен.

Жәбірден (р.а) риуаят етілген Алла елшісінің (ﷺ): «Бұл өмірдегі күндердің ең жақсысы – Зүл-Хиджа айының он күні»(Әл-Баззар, Ибн-Хиббан),-деген хадисі дәлел.

4. Арапа күні.

Арапа күні – үлкен қажылықтың ұлы күндерінің бірі. Күнәлар кешіріліп, тозақтан босатылатын күн.

5. Құрбандық шалынатын күн.

Зүл-Хиджа айының оныншы күні Құрбандық шалуымен ерекше. Пайғамбарымыздың (ﷺ) айтқанындай: «Алланың алдындағы ең ұлы күн – Құрбан айт күні, ал содан соң одан кейін келетін күн» (Ахмад, Әбу Дәуіт).  

6. Бұл күндері ең маңызды құлшылықтар орындалады.

Әл-Хафыз ибн Хаджар «әл-Фатх» кітабында былай деп жазады: «Зүл-Хиджа айын айрықша етіп тұрғаны, мұнда басқа күндері кездестіре бермейтін намаз, ораза, ерекше мейірімділік пен қажылық сынды маңызды құлшылық түрлерінің барлығы біріккен».