Center Image
IHSAN.KZ
ПАЙҒАМБАРЫМЫЗДЫҢ ﷺ ЖЕҢІЛУІ...
ПАЙҒАМБАРЫМЫЗДЫҢ ﷺ ЖЕҢІЛУІ...

Айша анамыз (р.а.) айтуда:

Бір күні Пайғамбарымызбен сапарлатып келе жаттық. Ол кезде мен әлі жас едім. Салмақ қоспаған шағым болатын. Пайғамбарымыз жанындағыларға:

  • Сіздер алдыға түсіп жүре беріңіздер! ­­­­– деді. Олар да ілгерілеп жүріп кетті. Сөйтті де Пайғамбарымыз маған бұрылып:
  • Кел, сенімен жүгіруден бір жарыс ұйымдастырайық, – деді. Сөйтіп екеуміз жүгіре кеттік. Жарыста мен жеңіске жетіп, Пайғамбарымыздан мен озып кеттім.

Ол кезде Пайғамбарымыз ештеңе демеді. Арадан біраз уақыт өтті. Мен біраз салмақ қосып, біршама толған едім. Жарыс оқиғасын да ұмытқан едім. Тағы бір сапарда Алланың Елшісі тағы да жанындағы мұсылмандарға:

  • Сіздер жүре беріңіздер, – деді. Олар да жүріп кете берді. Пайғамбарымыз болса, маған бұрылып:
  • Қане, кел, жарысалық, ­– деді. Жақсы десіп жарыса кеттік. Бірақ, бұл жолы Пайғамбарымыз менен озып кетті. Бұл жеңісіне қуанған Пайғамбарымыз :
  • Баяғыдағы бір жарысымыздың есесін қайтардым-ау, – деп күлді.

Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz